Saturday, February 5, 2011

අනේ ප්ලීස් ඔයා බොන්න එපා......

මම කලින් පෝස්ට් එකේ කිව්වනෙ අපෙ මිත්‍රයෙක්ගෙ ගෙදර සෙට් වෙච්ච හැටිත්, අර ලස්සන පුංචි කෙල්ල උගෙ නංගි කියල හොයාගත්ත හැටිත්?, දැන් එතැන් සිට.....

සෙට් එකම ආයෙත් සාජ්ජෙට ආපු නිසා ඔක්කොටම සිද්ධිය අමතක උනා, ලුණු දැම්මෙ නෑ කිව්වට ඔම්ලට් එක මාරම රසයි, ගෙදර තිබිච්ච හැමදේම දාලාද කොහෙද.

දැන් කට්ටිය බලනව ඇති බොන සෙට් එකක් එක්ක තනි කෙල්ලෙක් කොහොම හිටියද කියල. අපි සෙට් එක එකතු උනෙත් ඔන්න ඔය හින්දයි, සමහරු බොන්න/ෆන් ගන්න ගියාම ඕනෙවට වැඩිය ගිහින් තියෙන ෆන් එක නැති කරගන්නව, එක්කො ඔක්කොම අමතක කරල මොනව හරි අලුගුත්තේරු වැඩ කරනව, ඔහොම උන් දිරවන්නෙ නැති අය තමයි එතන ඔක්කොම වගේ හිටියෙ. සෙට්‍ එකේ එකෙක්ගෙ සහෝදරියක්, කෑල්ලක් (කෑල්ල කීවෙ other half එක ;) ) හරි බිරිඳක් හරි තමන්ගෙම සහෝදරියක් විදියට සලකන්න බැරි කෙනෙක් හිටියෙ නෑ. (බෝතලේට සිහිකල්පනාව නැතිව යනව කියන එක නම් මම පිළිගන්නෙ නෑ, කොච්චර වෙරි උනත් හොඳ නරක තේරුම් ගන්න ඕනෙ නම් තේරෙනව. ප්‍රශ්නෙ තියෙන්නෙ ඒක ඕනෙකමින් අමතක කරන එක) ඒ තරමට අපි අතරෙ මාර විස්වාසයක් තිබ්බ, ඒකයි රනියා අපෙන් අපිව එක්ක ආපු එකට බැනුං ඇහුවෙ.

"මචං ඔම්ලට් එක ඉවරයි ඉතුරු බාගෙට තව මුකුත් නැද්ද බං..."

"හිටපං." "චූටී..... අනේ පැටියො තව මොකක්හරි හදන්නකො.... "

කුස්සිය ඇතුලෙන් "හදල දෙන්නම තමයි වටින්නෙ.... මගෙන් අහගන්න එපා හරිද.."

රනියා "බලපං බං, අම්මට කියල හදාගන්න තිබ්බ මේකිට කියනවට වඩා ලේසියට... වඳින්න ඕනෙ මොකක්හරි කරගන්න... "

"ඔය ප්ලේට් එක ගෙනත් අරගෙන යනවලා... හදලා ඉවරයි..." කුස්සිය පැත්තෙන් සද්දෙ ආයෙමත්.

ඒ වෙලාවෙ ග්ලාස් එකක් අතේ නොතිබුනෙ මම හින්දා හරි වෙන මොකක් හින්දා හරි මම ප්ලේට් එක අරගෙන නැගිට්ටා (නැගිටුනා =) ).

කුස්සියට යනකොට අර පුංචි කෙල්ල මොනවාද එළවළුවක් කපනවා, හයියෙන් හයියෙන් කැපුවෙ හරියට කාත් එක්ක හරි තරහෙන් වගේ. පැන්ට්‍රි එකටත් යාන්තමටයි උස ;)

"ඔන්න තියෙනව අරං යන්න.... "

මාත් ඉතින් හදල තිබ්බ දේ ප්ලේට් එකට දාගෙන හැරුන. දොර ලඟට යද්දි

"මේ......" හීන් හඬක්, කලින් කෑගහපු කෙනාද කියල හිතන්නත් බෑ..

"ඇයි?" මම ආපහු හැරිල ඇහුවෙ හොඳ බැනුමක් බලාපොරොත්තුවෙන්.

"අනේ ප්ලීස් ඔයා බොන්න එපා.... " එළවලු කපන එක නවත්තන්නෙ නැතුවම ඔලුව පහත් කරගෙන කිව්ව.

මට කන්දෙක විශ්වාස නැති නිසා. "මොකා?"

"ප්ලීස් මං කියන නිසා වත්...."

"ඔයා මගෙ කවුද එහෙම කියන්න." යන්තම් මගෙ කටටත් පණ ආව (ඩිබෙට් ටීම් එකේ අවුරුදු 3ක් කට්ට කෑවෙ නිකංයෑ, හැබැයි ඒ සායමත් දිය උනා, පස්සෙ)

එයා හෙමින් හැරිල යාන්තම ඔලුව උස්සල මගෙ මූණ බැලුව, ඇස් දෙකේම කඳුලු පිරිල. මහ අමුතු විදියට තත්පර කීපයක් මං දිහා බලාගෙන ඉඳල මොකක්ද කියන්න වගේ ඇවිත් එකපාරටම මගෙත් ඇඟේ හැපීගෙන දුවල පඩිපෙලත් නැගල උඩ තට්ටුවෙ කාමරේකට ගිහින් දොර ලොක් කරගන්නව ඇහුන. සමහර චිත්‍රපටි නාට්‍ය එහෙමවලත් ඔහොම කෑලි තිබ්බට ඒක ඇත්තටම වෙන්න ඕනෙ ඒ ශොක් එක දැනෙන්න.

තෝන්තුවාවෙන් වගේ ප්ලේට් එක ගෙනත් තියලා, මමත් අයිනක් ගහන් හිටියා, ග්ලාස් එක ආයෙ අතට ගන්නවත් හිතුනෙ නෑ ඇත්තටම. වෙච්ච දේ තාම හීනයක් වගේ.. ඇයි යකෝ මේකි එන්නෙම හරහටනෙ, හම්බවෙන හැමදාම මොකක්හරි මගුලකට නෝන්ඩි වෙනවා මම. :(

පැය බාගෙකට විතර පස්සෙ ගෙදර ෆෝන් එක රිං උනා.. රනිය ගිහින් රිසීවර් එක ගත්ත. සවුන්ඩ් වැඩි නිසා එලියට ඇහෙනව කියන දේ..

"කෑම හදල ඇති කුස්සියෙ, ඔය ඌරු රැල එක්ක ගිහින් ගිල්ලවන්න..." අරූගෙ මූණ දෙක උනා. ඇයි සෙට් එකටම ඇහුනනෙ කියපු එක.

"හරි අපිනෙ ඌරො, යමං ගිලලා එන්න.." එකෙක් කෑගහුව ඇහෙන්නම.

කුස්සියට ගියාම තමයි අපිට තරු පෙනුනෙ. එක එක කෑම ජාති 10ක් විතර හදලා, මාළුද , පලාද, වම්බටුද ගෙදර තිබිච්ච හැම ජාතියම වගේ, වැඩියෙනුත් එක්ක. අර අඩි හතරක් උස නැති කටු අත්ත මේ ඔක්කොම ඒ පොඩි වෙලාවෙ කලාද කියල හිතාගන්න බෑ කොහෙත්ම.

"ඒ රනියා උඹලැයි ගෙදර භූතයෙක් හරි අතුල්ලන ලාංපුවක් හරි ඉන්නවද බං."

"ඒ මොකෝ?"

"නෑ බං අර බටු ඇට දෙකක් උස නැති උඹලැයි නංගි කෝමද බං මෙච්චර දෙයක් මවන්නෙ? දන්සැලක් දාතෑකිනෙ"

කෑම ටික නම් මාරම රසයි (කන්න බෑ කිව්වොත් ආයෙ කිරිහොද්දක්වත් හදාගෙන ඉවරයි ;) ) කොහොම හරි කෑම නම් ඉතුරු උනේ නෑ, කන්න බැරි පුතයලා සෙට් එකක්නෙ කෝමත් ගියේ.

කට්ටියම 4ට කලින් වාහන බාර දෙන්න ඕනෙ හින්ද යන්න පිටත් උනා, නංගි තනියම නිසා රනිය නැවතුනා ගෙදර.

"ඒ අපි යනවා.... කෝ නඟාට ටිකක් එලියට එන්න කියපංකො ස්තූතිපාරක්වත් දාන්න"

"ස්තූති නැතුවට කමක් නෑ, කෑවනං බීවනං යන්න කියන්න අයියෙ... " (උඩ තට්ටුවෙන් සුපුරුදු කටහඬක්)

"හපෝ මේකිගෙ ගෑස්" "නංගී..... ඉක්මනට උස යන්න නම් තරහ අඩු කරගන්නවෙයි හොදේ...."

අපි යනවා......


පලි : එදා එහෙම කියපු හේතුව අදටත් මම දන්නේ නැත. කොහොම හරි අයියාකාරයාගෙන් විස්තර අහල තියෙනවා නොදැනෙන්නෙ, අපේ එකා ඉතින් හොඳක් කියන්නෙ නෑනෙ. කියන්න දේකුත් නෑ. කාඩ් කුඩු..

උයන ස්පීඩ් එකේ රහස නම් පස්සෙ කාලෙක දෑසින් දුටුවෙමි.

4 comments:

  1. අඩෝ එකෙන්ම හොද කෙල්ලෙක්නෙ බන්

    ReplyDelete
  2. අනේ මංදා ලු.....

    ReplyDelete
  3. පස්සේ ටොයිලට් පිරුනේ නැද්ද බං ?

    ReplyDelete
  4. ඒ් ෙකාල්ලා අර නංගිව බැන්ද ද?

    ReplyDelete