Friday, February 4, 2011

දෙවෙනි හමුව......... සම්මන්ත්‍රණය දා...

ඒ සිද්ධිය හෙමිහිට අමතක වෙලා ගියා තිබුන වැඩ රාජකාරිත් එක්කම. ඒ වෙනකොට OL විභාගෙත් ලංවේගෙන ආව. සෑහෙන්න කාලයක් පිස්සු නට නට හිටපු කට්ටියටම පොඩ්ඩක් බරක් පතලක් තේරෙන්න ගත්තෙ විභාගෙට හොඳටම ලං උනාම.

හැමෝම දන්නවනෙ ඒකාලෙට තියෙන අර සම්මන්ත්‍රණ තොගය, අර සර් කියයි මේ සර් කියයි. ගොඩක් ඒවා නොමිලේම තිබ්බ නිසා ඒ අයගෙ පන්ති යන අයත් මොනම පන්තියකටවත් නොයන අපි වගේ අයත් ඒවාට ඉස්කෝලෙත් කට් කරගෙනම යැවුනා. ඇයි ඉතින් හොඳ කෑලි බහිනවා නෙව. සිංහල ඉංග්‍රීසි කෙසේවෙතත් බයෝ (විද්‍යාව 6 හෝ 11 වෙනි පාඩම) වත් ගොඩදාගන්න බැරිය කියල ;)

කෝමින් කෝමින් හරි ඒකාලෙ විඳ්‍යාවට (ද සිංහලද මන්දා, මතක නෑ) ප්‍රසිද්ධ 'සර්' කෙනෙක්ගෙ සම්මන්ත්‍රණයකට අපි කඩා පාත් උනා... ගිය වෙලාවෙ ඉදල ආයෙ වෙන මොනවද, ගොඩ ගිහින් හිටපු උන් ඒවාට ඇහැ දාගෙන, නිදහස් උං (අපි) අන්තිම පේලියට වෙලා ෆුල් විකාර කර කර හිටියා.කීප දෙනෙක් ඉතින් මඳ පමනින් මොනවාදෝ කරගෙනත් තිබුන නිසා ෆන් එක ඩබල්... මොකෝ සර් ලෙඩේ දානව කියලයැ.

"දඩාස්......."

කෙල්ලංගෙ පැත්තෙන් ආපු සද්දෙට පන්තියම මීක් නැ.... ඒත් තත්පරේකට විතරයි.. ඊට පස්සෙ පන්තියම හිනා සාගරේ.. කෙල්ලන්ගෙ පැත්තෙ මුල්ම පේලියෙ ඩෙස් එක බිම, පොත්පත් සීසී කඩ, අපිටත් ඉතින් තව වෙන මුකුත් ඕනෙ නෑනෙ, ආයෙ පන්තිය යථාත්වෙට ගන්න බැරි වෙන්නම කස්ටිය හිනා වෙනවා.... හූ කිය කිය හිනා වෙනවා, බිම පෙරලි පෙරලි හිනා වෙනවා..

අපි හිටියෙ අන්තිම පේලියෙ උනාට පිහීටීමෙ හැටියට කෙලින්ම කෙල්ලංගෙ ඉස්සරහ පේලිය පේනවා, සර්රුත් ඉතින් දමාගෙන බයිට් කරනව පේලියම. කියන කට කැඩිච්ච කථා ඉතින් අමුතුවෙන් කියන්න ඕනෙ නෑ නේද?. කෙල්ලො දෙන්නෙක් යන්තම් දනි පනි ගාලා ඩෙස් එක කෙලින් කලා, දැන් සර්ගෙ බයිට් එක යොමුවෙන්නෙ ඒ පේලියෙ එක කෙල්ලෙක් දිහාට බව තේරෙනව, ඒත් පේන්නෙ නෑ හරියට කවුද කියල. ආපහු ඒක සංසුං උනා කියමු.... සැරින් සැරේ පොඩි බයිට් පාරවල් මිසක් ඊට පස්සෙ සීන් එක ඇදුනෙ නෑ, කරන්න (සර්ට කරවන්න) වැඩ තිබ්බ හින්ද.

ඉන්ටවල් එකත් ඉවර උනා.. එතකොට කාටත් වැඩේ අමතක වෙලා තිබ්බෙ, අපිත් එලියට ගිහින් ඒකාලෙ 15ද 18ද කොහෙද වෙච්ච රත්තරං දෙයක් අරගෙන බඩ පුරවගෙන ආව. දැන් කට්ටියම වාඩි වෙලා, ටිකක් සෙනග මිසිං. සර්රුත් මයික් එක හද හදා ස්ටේජ් එකට නගිනව...

"දඩාස්.......!"

තත්වය සෝචනීයයි..... ආයෙත් ඩෙස් එක පෙරලගෙන, කොල්ලො හූ කිය කිය හිනා වෙනවා.... ටිකක් වැදිච්ච වෙලාවනෙ. හූ....

සර් (ඉස්සර ඩෙස් එකේ කෙල්ලෙක් දිහාට ඇගිල්ල දික් කර) " තමුසෙ ඔතන වෙන ව්‍යාපාරයක් වගේ, ගිහින් අර පැත්තෙ ඩෙස් එකෙන් වාඩි වෙනව "

(ක්ලාස් එකේ ඔක්කොම ඩෙස් ඉස්සරහට මූණදාන අතරෙ එකම එක ඩෙස් එකක් හරහට දාලා තිබුනා ඉස්සරහ, ක්ලාස් එක පැවැත්වෙන කාලෙ පරක්කුවෙලා එන උන් වාඩි කරවන්න වෙන්න ඇති,)

අර කෙල්ලත් බිම බලාගෙන පොත්ටික තුරුලු කරගෙන නැගිටලා, ගිහින් කියපු ඩෙස් එකේ වාඩි උනා..

හත් දෙයියනේ.....

මේ අර පුංචි රතිඤ්ඤකරල නේද?

සුදු මූණ ජම්බු ගෙඩිය වගේ රතු වෙලා, ඇස් දෙකත් කඳුලු හැලෙන්න ඔන්න මෙන්න.

සර් " ඔය ඩෙස් එකවත් කෙලින් තියාගන්නව, නැත්තම් ඊලඟ පාර බිම තමයි වාඩි වෙන්න වෙන්නෙ "

සර් ආයෙත් උගන්නන්න ගත්ත. උගන්නව කීවට අපේ අතේ තියෙන ටියුට් එකේ ප්‍රින්ට් කරපු වචන කියවන එක තමයි කරන්නෙ.

මං ආයෙත් අර කෙල්ල දිහා බැලුවෙ, කොහෙද එතන ගිහිල්ලත් ඉන්න බෑ, ඉස්සරහ පේලියෙ උනුත් එක්ක විකාර කරනව, හිනා වෙනව, එක යුද්ධයයි. කලින් කිසි දෙයක් නොවුනා වගේ, සර් බලනකොට සාන්ත දාන්ත.. අහක බැලුව ගමන්..... කොල්ලොන්ටත් අන්තයි . මම නම් හිතුවෙ ඒ ඩෙස් එකත් අනිවා පෙරලගනී කියල.

අපේ එකෙක්ගෙ කොටසක් (කෑල්ල) බලන්න ඕනෙ කිව්ව හින්ද අපි ටිකක් පන්තියට යන පාරෙ තාප්පයක් වැටෙන්න නොදී අල්ලගෙන හිටිය. කෙල්ලො එලියට එන්නෙ පස්සෙ නෙව.

ටික වෙලාවකින් මෙන්න අර පුංචි කෙල්ල එනවා යාළුවෙකුත් ඇදගෙන, ඇදගෙන කිව්වෙ ඒකි ඇවිදින්නෙත් හරියට මීටර් 75 දුවන්න වගේ. අපේ ඉස්සරහින් යනකොට ඉතින් කට නිකං තියාගෙන ඉඳල හරියන්නෙත් නෑනෙ. අනික මගෙත් ඇරියස් එකක් තියෙනවනෙ.

මම "ස්.. ස්... මේ .... ඕයි ඊලඟට පෙරලන්නෙ මොකක්ද? " (මොකක්ද කියන වචනෙ පොඩියක් වෙනස් වෙන්න ඕනෙ, මෙතන මිස්ටර් ඇන්ඩ් මිසිස් සදාචාර ලා එන නිසා වේරියබල් එකක් දැම්මෙ, හිතේ හැටියට දාගන්න)

එයා ගල් උනා වගේ නැවතුනා.. හෙමීට හැරුනා, " නෑ තමුසෙගෙ _ _ _ _ _ _ " "යං අනේ යන්න...." කියල අනිත් කෙල්ලත් ඇදගෙන ගස්සගෙන ගියා...

මට පොල්ලෙන් ගැහුවා වගේ හැඟීමක් ආවෙ.. අනන්තවත් කෙල්ලන්ට අනං මනං කියලා තිබ්බට මෙච්චර කල් වෙලා තිබ්බෙ එක්කෝ කෙල්ල මූණ රතුකරගෙන දුවනවා, නැත්තම් කොල්ලා එනවා හෝ ඒ දෙකම, ඒත් කවදාවත් මෙහෙම ක්ෂණික රිටන් එකක් ලැබිල තිබ්බෙ නෑ..

අපේ එකෙක්.. " ඇද්ද තොට අහක යන කි***ල් අස්සෙ රිංගන්න ගියාට? "

5 comments:

  1. ලොල්.. දැන්නෙ දන්නෙ මෙච්චරටම මෙයා සැරයි කියලා :D එළ එළ...

    ReplyDelete
  2. අපේ වයසෙනම් දෙයියම්පා මම සෙට් කරගන්නව විතරක් නෙවේ කසාදත් බඳිනව

    ReplyDelete
  3. @chanaka

    එහෙව් දෙයක් ද කොහෙද උනේ. කියවගෙන යන්ටකො

    ReplyDelete
  4. පට්ටයි කියන්නෙ පට්ටම පට්ටයි නේ..... ලියපං ලියපං.....

    ReplyDelete
  5. @බනී යූ හෑව් නෝ අයිඩියාර් මචං.... නයි මිරිස්

    @අමුතු ටැංකු ටැංකු

    ReplyDelete