Thursday, February 3, 2011

ප්‍රථම හමුවීම........ [ඒ හින්දා යලි සෙනෙහෙ සිතින් අපි]

[වසර දෙකකට පමණ පෙර]

එදා අන්තිම සාමාන්‍ය දවසක්, සුපුරුදු පරිදි පරක්කුත් වෙලා. ඉස්කෝලෙට ගියා විතරයි කඩාපාත් වෙච්චි මහ හෙණයක්.....

ටීචර් : "ළමයි අද අහවල් ඉස්කෝලෙ ලමයි එනවා විසිට් එකකට, කාඩ් එකනම් කන්න එපා පැණි හලන්න ගිහින්..."

ආ කියන්න අමතක උනානෙ, ඒ දවස් වල ඉස්කෝලෙ මාධ්‍ය ඒකකයෙ, සිංහලෙන් කිව්වොත් මීඩියා යුනිට් එකේ ක්‍රියා කාරී සාමාජිකයෙන් නෙව මං, ලංකාවෙ පාසැල් වලට පහසුකම් ගොඩා..ක් වැඩි නිසා මාධ්‍ය ඒකක වලටත් තිබුනා හුවමාරු පුහුණු ක්‍රමයක්. මතක නෑ මොකක්ද හේතුව කියල, කොහොම හරි පහුවදා මොකක්හරි ඒකබද්ධ ඉවෙන්ට් එකක් තියෙන්න තිබුනා ඉස්කෝල දෙක අතරෙ.

අපේ ඉස්කෝලෙ, දකුණු පැත්තෙ අග නගරෙ ටිකක් ප්‍රසිද්ධ (නොටෝරියස්ලි) එකක්, වැඩියෙන්ම ප්‍රසිද්ධ අපිට අඩි 8ක් දුරින් තියෙන අපේ සහෝදරි පාසැල තමයි, හැබැයි අපේ නෑනෙ ඔය වැඩි බජනයක් එහෙම උන්දැලත් එක්ක. 'සවුත්තු' 'බිමක්' නෙ. කොච්චර උනත්.

එදා එන්න හිටපු ඉස්කෝලෙ පලාතෙ තියෙන ටිකක් ප්‍රසිද්ධ මිශ්‍ර පාසැලක්.ඒ හින්දා අපේ කොල්ලංගෙනුත් එච්චරම විශේෂයක් තිබුනෙ නෑ මොකද ඔය මිශ්‍ර එව්යෙ හොඳ ඇහැට කණට පේන එකක් හිටියොත් ඇත්තං කලින්ම වෙන් කරගෙනනෙ. කලින් පාර ඔහොම එකක් ගැන බලන්ට ගිහින් හොඳ මිහිරි මතකයන් මීඩියා සෙට් එකටම තිබුන නිසා මේ පාරත් දැකලා අහකබැලීමේ ප්‍රතිපත්තියක් තමා තිබ්බෙ. පස්සෙ බැරිය ආවර්ජනා පාරක් දාන්න ;). හැබැයි ඒ එන ඉස්කෝලෙ යුනිෆෝම් එකද (තද නිල් සහ සුදු, දැන් ගෙස් කරන්න හැදුවොත් මරණවා....) වෙන මොකක්හරිද මන්දා ගෑණු ලමයි සෑහෙන්න පැහැපත් පාටයි. (ඒ දවස් වල හිතුන හැටි, පස්සෙනෙ දන්නෙ සීන් කෝන් එක)

දැන් ඔන්න කස්ටිය සම්ප්‍රාප්ත වෙන වෙලාව, කිරි ෆාදර්ට ඩෝග්ස් ලා ජම්පිං කිව්වලු, කෙල්ලො 10ක් විතර කොල්ලො දෙන්නෙකුයි මිස් කෙනෙකුයි එක්ක එවලා, මිස් නම් කෙලින්ම කඩේ දාගත්ත අඳුනන අයත් එක්ක, කොල්ලො දෙන්නත් පුරුශ හා කාන්තා අතර මැද වගේ ඩයල් දෙකක් හින්ද කෙල්ලොන්ටත් වඩා හිරිඔතප් බිඳෙනවට බයේ වගේ හිටියෙ. අපේ අයියලා ඉතින් ඉස්කෝලෙ ඉන්නෙත් සීබාත් එකේ, ස්ටැන්ඩ් එකේ, P&G එකේ ඉන්නවා වගේනෙ, බය නොවුනොත් තමා පුදුම... (මෙහෙම කියන්නෙ ඉස්කෝලෙට කරන අපහාසයක් හැටියට නෙමෙයි, ඒකාලෙ තත්වෙට වඩා දැන් සෑහෙන්න හොඳ නිසයි, අනික ආණ්ඩුවෙන්ම අපේ ඉස්කෝලෙ ඒ කාලෙ කල්ක්‍රියාවට ගැලපෙන අකුරු 3ක් නමට පස්සෙන් දාලා තිබ්බෙ)

බැක්ටු කථාවට

අපි ඊට ටික කලකට කලින් රූපවාහිනී සංස්ථාවෙ පුහුණුවකට ගෙහුං හිටියෙ (ආන්න මතක් උනා ඉවෙන්ට් එක ;) ) ඒකෙ කියල දුන්න ඒවා අපේ කස්ටිය මඳ පමණින් ඇඩ් එක දදා කියලා දෙනවා ආපු අයට, ඇත්තම කීවොත් ටිකක් යනකොට අර කලින් මිහිරි අත්දැකීමයි අද ආපු කොල්ලො දෙන්නයි හැමෝටම අමතක වෙලා තිබුනෙ, මම නම් ඉතින් වැඩිය ඇඩ් වෙන්න ගියේ නෑ හේතු තුනක් උඩ.

1 එතන සැලකිය යුතු නිළයක් හින්දා කාඩ් එක රැකගැනීම පිළිබඳ ගැටළුවක් තිබුන.
2 ටිකක් දුර ගිය ලදරු ක්‍රශ් එකකින් සපත්තුවක් වැදිලා මහ කාලයක් ගිහින් තිබුනෙ නැහැ. කෙල්ලෝ එපාමයි කියල වගේ අදහසකින් හිටියෙ, දන්නැද්ද ඉතින්... ;)
3 කලින් මිහිරි අත්දැකීම හින්දා ටිකක් පරිස්සම් වෙන්න එපැයි කොහොමත්....

මල්ලිලා සෙට් එකට පොර වෙන්න දීලා මම හෙමිං ගියා අපේ ලියුං කියුං තියල තිබ්බ මේසෙ පැත්තට, මොනවද මන්දා කුරුටු ගාන්න තිබුන වගේ මතකයි, තඩි මනෝපාරක් ගහගෙන ඒක වැඩේ කර කර හිටිය..

එක පාරටම

"මොනාද හලෝ.... මීඩියා එකේලු හැංගිලා කුරුටු ගානවා...... ඔහොමද සලකන්නෙ එන අයට?"

මම උඩ ගිහින් බිම වැටුන, දෙපැත්ත බැලුව කවුරුත් නෑ, පිටිපස්ස බැලුවාම මෙන්න 8 වසරෙ විතර පෙනුම තියෙන ලස්සන පුංචි කෙල්ලෙක් එක අතක් ඉණට තියාගෙන අනිත් අතෙන් මොකක්ද කොලයක් අල්ලගෙන ඉන්නව.

මම "නෑ මේ......"

එයා "නෑ තමයි.. (ඇස් දෙක ලොකු කරගෙන) මොකද යකෙක් දැක්ක වගේ?.. මෙන්න මේක ඔයාට කියල ලියාගෙන කරගෙන එන්න කිව්වා ටීචර්.. "

මට තාමත් හොල්මං වගේ, ලොකු මනෝපාරක් ගහ ගහ ඉඳල ඒක එකපාරට බිඳිල ගියාම ඇතිවෙන තෝන්තු ගතිය දන්නවා නේද. ඒ තරහත් එක්කම වැඩේ කරලා මූණවත් නොබලා කොලේ ආපහු දුන්න.

මම "ආ.."

එයා (කොලේ උදුරගමින්) "මෙහෙ ඉන්නෙ හරිම බුම්මට්ටයො ටිකක් තමයි...... අපි යනව"

කවදාවත් දැකලවත් නැති කෙල්ලෙක් එකපාරට එහෙම කියෙව්වාම, කියවලා විතරක් නම් මදෑ ඉස්කෝලෙටත් අපහාස කලාම හිතෙන දේවල් වෙනම කියන්න ඕනෙ නැහැනෙ?.

ඊට පස්සෙ තමයි මගෙ ඇහැත් එයා යන යන දිහාට යන්න ගත්තෙ, කොල්ලංගෙ ඉස්කෝලෙකට ආවා කියල නෑ, මාර දාංගලේ. නෙට් බෝල් ගහනවා වගේ සෙනග අස්සෙ එහාට මෙහාට දුවනව, යාළුවොත් එක්ක කිචි බිචි ගානව, ආයෙත් දුවනව. ආයෙත් කිචිබිචිය.

හැබැයි මර්ෆිගෙ නියමය නම් හොඳටම වැඩ කරනව වගේ පෙනුන, දාංගලේ වැඩිකමටම අපේ ඈම්ප් එක බිම දාන්නම ගියා, මයික් ස්ටෑන්ඩ් එක පෙරළුව. කොල ගොඩක් එක්ක ෆයල් එකක් හලාගත්ත. හරියටම ගත්තොත් අර Good Luck Chuck එකේ පෙංගුවින් බලාගන්න කෙල්ල වගේම තමයි.

සැරයක් දෙකක් යාළුවොයි ටීචර්යි වෝනින් දුන්නත් ඒ වෙලාවට විතරයි, ටිකක් යද්දි ආයෙත් දාංගලේ.

මේක බලං ඉද්දි මට අර කලින් ආපු තරහ නිවිල ඉවරයි, දැන් නම් වැඩ වලට හිනත් යනව, මම බලාගෙන හිටියෙ ආයෙත් තනියම අහුවෙනකං මට කියවපු කියවිල්ලට රිටන් එක දෙන්න. ඒත් ඒකි දැනගෙනද කොහෙද මාව පුළුවන් තරම් මඟ ඇරිය.

අර සමහරු කියන්නෙ දැකපු දවසෙම ආදරේ හිතුනා අනං මනං, මට නං එහෙම අදහසක් ආවෙ නැද්ද කොහෙදො ඒ වෙලාවෙ. මළම ඇණයක් & හම්බ වෙන කොල්ලාට අබ සරණයි කියන හැඟීම ආවෙ. (ආ තව මගේ කවුරුහරි උනා නං ඔලුව හිල් වෙන්න ටොක්කක් අනින්න ඕනෙකමකුත් තිබ්බ)

දැන් සෙශන් එක ඉවරයි, කට්ටියටම ස්තූති කථාපාරකුත් දාලා. කස්ටිය ආපහු යැව්ව.

දැන් අපේ සෙට් එක ආවර්ජනා පාරක් දානවා, කලින් මිහිරි අත්දැකීමට සම්බන්ධ පාර්ශවේකුත් අද ඇවිත් හිටිය නිසා ඒක තමයි සභාවෙ තිබ්බෙ. වැඩේ අනිත් පැත්ත ගහන්නත් එක්ක මම රාජකාරි වැඩ පටං ගත්ත

"මචං අරුංට එවන්න ලොකු උං නැද්ද, 10-11 නේද එවන්න කීවෙ. අනිත් පාර පැහැදිලිව කියල යවපං 8-9 එවන්න එපා කියල"

"කොහෙද හු$#%$ 8-9 හිටියෙ, ඔක්කොම අපෙ වයසෙ උං" ඌට මළ පැනලා

"නැහ්, එතකොට අර පොඩි එකෙක් හිටියෙ එහාට මෙහාට පැන පැන, අම්මප මං හිතුවෙ අදම දඩල්ලට හරි මහමෝදර හරි යවන්න වෙයි කියල" (දඩල්ලේ හා මහමෝදර වෙනස දන්නෝ දනිති)

"ඒ රතිඤ්ඤෙත් අපේ වයසෙ බං, හාපෝ මතක් කරන්න එපා..."

"හුටා....."

ඔන්න අපේ ප්‍රථම හමුවීම, පස්සෙ බස් එකේ ගෙදර එන ගමනුත් ඒකිගෙ දාංගලේ මතක් වෙලා හිනා යන්න ආව. හැබැයි වෙන හැඟීමක් නම් තුන් හිතකවත් තිබුනෙ නෑ, මටත් එහෙම සහෝදරියක් හිටියනං කොහොමට හිටීද කියල තමයි හිත හිත ආවෙ..

පලි : පසුව දැනගත් පරිදි, මම මූඩ් ගහලා පැත්තක ඉන්නව දැකල වෙන කෙල්ලෙක් දෙන්න ගෙනාපු කොලයක් උදුරගෙන ඇවිත් මට දීලා තියෙන්නෙ. හේතුව නම් කිව්වේ එහෙම මූණ එල්ලං හිටියාම එයාගෙ මැරිච්ච බල්ලෙක් මතක් උනා කියල. බල්ලා මලේ මොකද කියල නම් නොදනී.

8 comments:

  1. ඇත්තටම මෙක කියවද්දි එක්තරා කාලයකට ගියා වගේ දැනුනා , දිගටම ලියන්න.

    ReplyDelete
  2. ඔය දෙපලම අදුරති...
    ජය වේවා..
    කතාව නම් මම දන්නවා ඉතිං ;-)

    Word verification අයින් කරපං...

    ReplyDelete
  3. @DarKneT

    thnx, පළවෙනිම කමෙන්ට් එකට ස්තූතියි....!

    බලමු නේද?

    @bunny

    ඒ කෝමද? :o

    ReplyDelete
  4. විස්තර කියන්න ගියොත් අනන්‍යතාව හෙලි වෙන නිසා අපි කතාව විතරක් අහමු නේ ? :-)

    ReplyDelete
  5. එකෙන්ම සිරා බන්.... මේ විදියටම ලියහන්

    ReplyDelete
  6. කියවන්න ආස හිතෙන කතාවක්... :)
    [ඇත්ත නිසා වෙන්නැති :) ]

    ReplyDelete
  7. This comment has been removed by a blog administrator.

    ReplyDelete
  8. @chnthana

    නිල් සුදු එක ඉස්කෝලෙද බන් තියෙන්නෙ?

    දැනගත්තනං දැනගත්ත පාඩුවෙ ඉඳහංකො. මම මුලින්ම කිව්වනෙ ගෙස් කරන්න හදන්න එපා කියල

    ඒකෙන් වෙන්නෙ මට ලියන්න තියෙන දේවල් තවත් සීමා කරන්න වෙන එක. නැතුව වෙන අවුලක් නෙමෙයි.

    සොරි මචං කමෙන්ට් එක මකන්න වෙනව

    ReplyDelete